ԵՐԵՎԱՆ, 8 հուլիսի — Sputnik. Սևանում այսօր կորած 2 մանկահասակ երեխաներին հաջողվել է գտնել։ Ինչպես տեղեկացնում է ՀՀ ԱԻՆ մամուլի ծառայությունը, հուլիսի 8-ին, ժամը 13։21-ին Սևանա լճի «Ֆլամինգո» լողափնյա հանգստի գոտում հերթապահություն իրականացնող ջրափրկարարները քաղաքացիներից տեղեկություն են ստացել, որ երեխա է կորել:
Ժամը 13։17-ին ջրափրկարարները լողափի տարածքում գտել են 2014 թ.–ին ծնված Մ. Մ.-ին և հանձնել ծնողներին։
Մի փոքր ավելի ուշ` ժամը 14:15-ին Սևանա լճի 2-րդ հանրային լողափում հերթապահություն իրականացնող ջրափրկարարները քաղաքացիներից տեղեկություն են ստացել, որ երեխա է կորել:
Ջրափրկարարները 2-րդ հանրային լողափում գտել են 2016թ.ին ծնված Վ. Տ.-ին և հանձնել ծնողներին։
