ԵՐԵՎԱՆ, 7 հուլիսի — Sputnik. ՀՀ առողջապահության նախարար Արսեն Թորոսյանն այսօր այցելել է Գեղարքունիքի մարզ և այդ մասին գրել Facebook սոցիալական ցանցում։
Նա այցելել է Սևանի հոգեկան առողջության և բժշկական կենտրոններ, մանրամասն ծանոթացել մարզի առողջապահական համակարգին, այնուհետև լուսանկարներ հրապարկել սոցցանցում։
«Այստեղ կառուցվելու է Մարտունու նոր բժշկական կենտրոնը՝ 55 մահճակալ հզորությամբ»,- գրել է նա։
Նա շնորհակալություն է հայտնել Գեղարքունիքի մարզպետ Իշխան Սաղաթելյանինին արդյունավետ շրջայց կազմակերպելու և մարզի առողջապահական համակարգին մանրամասն ծանոթացնելու համար։
Նախարարը վստահ է, որ միասին գտնելու են բոլոր օրհասական խնդիրների լուծումները։
