ԵՐԵՎԱՆ, 6 հուլիսի — Sputnik. «Ռոսիա սեգոդնյա» ՄՏԳ–ի ու Sputnik միջազգային տեղեկատվական գործակալության գլխավոր խմբագիր Մարգարիտա Սիմոնյանը օգնել է կարճելյին քրեական հետապնդումը։ Կինը սահմանափակ կարողություններ ունեցող երեխայի մայր է։
Հուլիսի 4–ին Մոսկվայում ոստիկանները ՌԴ ՔՕ 228.1 հոդվածի (թմրանյութերի կամ հոգեմետ նյութերի ապօրինի արտադրություն, վաճառք կամ շրջանառում) մեղադրանքով ձերբակալել էին Եկատերինա Կոննովային, որը երկու երեխաների միայնակ մայր է, երեխաներից մեկը հաշմանդամ է։
Երբ քրեական գործի մասին տեղեկությունները հայտնվեցին լրատվամիջոցներում, Ռուսաստանում Կոննովային օգտին մեծ քարոզարշավ մեկնարկեց։ Ավելի քան 160 հազար մարդ ստորագրել է change.org կայքում տեղադրված խնդրագիրը։
Հասարակական գործիչները, այդ թվում` Մարգարիտա Սիմոնյանը, պաշտպանում էին երեխայի մորը։ Ընկերներն ու մտերիմները գովել են խմբագրին Կոննովայի գործին ակտիվորեն մասնակցելու համար։ Սիմոնյանը որոշ գրառումներ է վերահրապարակել տելեգրամի էջում։
«Մարգարիտա Սիմոնյանը շարունակում է իրականացնել «փոքր գործերի տեսությունը» ու գնալով ավելի է հիշեցնում քաղաքական գործչի, որի դերում և կուզենք տեսնել նրան», – գրել է ПОСТПРАВДА ալիքը։
Սիմոնյանի մտերիմ ընկերուհին` Թինա Կանդելակին նույնպես շնորհավորել է ընկերուհուն. «Ջանա, դու իսկական տղամարդ ես»։
«Հայրս ինձ ասում. Է «Մի մոռացիր, Մարգարիտա, դու իմ միակ որդին ես», – գրել է ինքը` Սիմոնյանը։
Միաժամանակ Կոննովայի փաստաբան Յուրի Մանուկյանը խոստովանել է ՌԻԱ Նովոստիին, որ հույս չուներ, թե գործը կկարճվի։
«Հույս ունեի, որ քրեական գործը կդադարեցվի աննշան լինելու հիմքով։ Ըստ օրենքի` հասկանում էի, որ այն պետք է դադարեցվի հանցակազմի բացակայության պատճառով, սակայն դրա հույսը չունեի։ Գրեթե 90 տոկոսով վստահ էի, որ պետք է շարունակվի, չէի կարծում, որ գործն ամենասկզբում կկարճվի», – ասել է նա։
Հիշեցնենք` Կոննովան մանկական ուղեղային կաթված ունեցող իր երեխայի համար Ռուսաստանում չգրանցված դեղորայք է գնել։ Նա կատարել է գնումը առցանց–ֆորումներից մեկով։ Մանկական հոսպիսում կնոջը խորհուրդ են տվել նույն դեղորայքը ստանալ անվճար` սրվակներով։ Մնացած դեղորայքը նա փորձել է վաճառել հենց նույն ֆորումում, հենց այդ ժամանակ էլ նրան ձերբակալել են։
