ԵՐԵՎԱՆ, 6 հուլիսի — Sputnik. ՀՀ վարչապետ Նիկոլ Փաշինյանի աշխատակազմը անցնում է «էկո» վերամշակված թղթե գրիչների օգտագործմանը։ Facebook սոցիալական ցանցում այս մասին գրել է ՀՀ կառավարության աշխատակազմի ղեկավար Էդուարդ Աղաջանյանը:
«Վարչապետի աշխատակազմն անցնում է «էկո» վերամշակված թղթե գրիչների օգտագործմանը, որոնք նույնպես արտադրվում են Հայաստանում»,- գրել է նա:
Աղաջանյանն իր գրառմանը կցել է #Խթանենք_Հայկական_Արտադրանքը հեշթեգերը։
Նշենք, որ հուլիսի 4-ին կառավարության նիստի ժամանակ ՀՀ վարչապետ Նիկոլ Փաշինյանը հայտարարել էր` կառավարության նիստերի դահլիճներում այսուհետ տեղադրված են լինելու հայկական արտադրության համակարգիչներ։
