ԵՐԵՎԱՆ, 29 հունիսի — Sputnik. Երևանի քաղաքապետ Տարոն Մարգարյանը չի պատրաստվում հրաժարական ներկայացնել, որքան էլ պնդում են, թե նա աշխատանքից ազատվելու դիմում է գրել և աշխատանքի չի ներկայանում։ Այս մասին գրում է «Ժամանակ» օրաթերթը։
Պարբերականի տեղեկություններով` Տարոն Մարգարյանը մտքափոխվել է։
«Նա գիտակցում է, որ պատասխանատվությունից չի կարող խուսափել, հնարավոր է` կալանավորվի էլ, բայց նախընտրում է դա կատարվի քաղաքապետի կարգավիճակում, քան իր հրաժարականից հետո»,- նշված է հոդվածում։
Թերթը գրում է նաև, որ երեկ քաղաքապետը ներկայացել է աշխատանքի և իրականացրել իր աշխատանքային պարտականությունները, քննարկել նոր աղբատար մեքենաներ ձեռք բերելու հարցերը։
