ԵՐԵՎԱՆ, 28 հունիսի — Sputnik. Առողջապահության նախարարությունում եռակողմ փոխըմբռնման հուշագիր են կնքել` նախարարության, ստենտավորման պարագաների 10 մատակարարի և պետական պատվերի շրջանակներում ստենտավորման ծառայություններ մատուցող 11 բժշկական հաստատության միջև: Այս մասին տեղեկացնում է առողջապահության նախարարը իր ֆեյսբուքյան էջում։
«Հուշագրով նպատակ է դրվում ապահովել պետության կողմից երաշխավորված անվճար կամ արտոնյալ պայմաններով մատուցվող ստենտավորման ծառայությունների առավել մատչելի գներով և առավել որակյալ ապրանքներով մատուցումը»,– գրել է Արսեն Թորոսյանը:
Նա կոչ է արել բժշկական կենտրոններին վերանայել ստենտավորման վճարովի ծառայությունների գները՝ հաշվի առնելով, որ մատակարարները պատրաստ են ավելի մատչելի գներով վաճառել ստենտները և հարակից բժշկական պարագաները։
