Մոսկվացի երաժիշտը որոշել է ֆլեշմոբ կազմակերպել Ռուսաստանի մայրաքաղաքի կենտրոնական փողոցներից մեկում։ Նա կանգնել է փողոցի մեջտեղում «Երգ` համբույրի դիմաց» պաստառով։ Երաժիշտն իր մուսային էր սպասում, երբ անցորդներից մեկը համբուրեց նրան։ Եվ ահա սկսվեց անսպասելին. տղան սկսեց երգել Վիկտոր Ցոյի «Видели ночь» երգը, իսկ պատահական անցորդները սկսեցին ձայնակցել նրան, և սովորական երգն իսկական տոնախմբության վերածվեց։
Նիկոլսկայա փողոցում հավաքվել են ֆուտբոլասերներն ու զբոսաշրջիկները, բոլորը պարում և ուրախանում էին։
Զվարճալի տեսանյութը հրապաևակվել է YouTube–ի «Изюм Land» ալիքում։
2018 թվականի ֆուտբոլի աշխարհի առաջնությունը մեկնարկել է Ռուսաստանում հունիսի 14-ին և կտևի մինչև հուլիսի 15-ը, մրցաշարերն անցկացվելու են 11 քաղաքի 12 մարզադաշտերում։
Խաղերն անցկացվելու են Մոսկվայում, Սանկտ Պետերբուրգում, Կազանում, Սոչիում, Եկատերինբուրգում, Կալինինգրադում, Սամարայում, Սարանսկում, Դոնի Ռոստովում, Վոլգոգրադում։ Բացման խաղը տեղի կունենա հունիսի 14-ին` Մոսկվայի «Լուժնիկի» մարզադաշտում։ Առաջնության եզրափակիչ խաղը նույնպես կանցկացվի «Լուժնիկի» մարզադաշտում հուլիսի 15-ին։
