ԵՐԵՎԱՆ, 26 հունիսի — Sputnik. Իսպանիայում «հայկական մաֆիայի» դեմ լայնածավալ գործողություն է իրականացվում, Twitter-ում գրել է կատալոնական ոստիկանությունը։
Ոստիկանության տվյալներով` խմբավորումը զբաղված է թմրանյութերի, զենքի վաճառքով, ծխախոտի մաքսանենգությամբ, փող լվանալով, մարզական խաղադրույքների ժամանակ կոռուպցիայով և ամբողջ Եվրոպայում այլ հանցագործություններով։
Գործողության ընթացքում խուզարկություններ են կատարվում Բարսելոնայում, Մադրիդում, Վալենսիայում, Ալիկանտեում, Ալբասետեում և այլ քաղաքներում։ Կասկածյալները կապեր ունեն ԱՄՆ-ում, Ֆրանսիայում, Բելգիայում, Իտալիայում և Լիտվայում։
On going, large police operation with @policia used to dismantle organized armenian crime. They are related with money laundering and drugs and arms trafficking.We are registering more than 70 places simultaneously throughout the state pic.twitter.com/bkXvAvOOKc
— Mossos (@mossos) 26 июня 2018 г.
Ըստ կանխատեսումների` ընդհանուր առմամբ կձերբակալեն մոտ 100 մարդու։
Ինչպես նշել է El País թերթը, հղում անելով իրավապահ մարմինների աղբյուրներին, այդ գործողությունը վերջ կդնի վրացի Շուշանաշվիլի եղբայրների և հայ օրենքով գող Էրիկ Ջաղինյանի խմբավորման հանցավոր գործունեությանը։
Հիշեցնենք, որ հետաքննությունը սկսվել է 2016թ-ի հունվարին Տարասում (Կատալոնիա) տեղի ունեցած կրկնակի սպանությունից հետո։
