ԵՐԵՎԱՆ, 25 հունիսի — Sputnik. Տավուշի մարզում տեղի ունեցած պատահարն ավարտվել է մահով. հունիսի 24-ին, ժամը 21:00-ի սահմանում Դիլիջան քաղաքի Շամախյան փողոցի բնակիչ, 26-ամյա Գևորգ Եսայանն իր վարած Volkswagen-Vento մակնիշի ավտոմեքենայով, Դիլիջան քաղաքի Կալինինի փողոցում դուրս է եկել ճանապարհի երթևեկելի գոտուց, բախվել երկաթե ճաղավանդակներին և մոտ 8 մետր բարձրությունից գլխիվայր ընկել Կալինինի փողոցի 177 շենքի բակ:
Shamshyan.com-ը հայտնում է, վարորդին ծայրահեղ ծանր վիճակում տեղափոխել են Դիլիջանի բժշկական կենտրոն, որտեղ նա մահացել է` այդպես էլ գիտակցության չգալով:
Փրկարարները հոսանքազրկել են ավտոմեքենան, փակել գազաբալոնն ու սահմանազատել տարածքը:
Դեպքի վայրում հավաքվածներն ասել են, որ երիտասարդն ամուսնացած էր, ուներ 2 անչափահաս երեխա:
