ԵՐԵՎԱՆ, 22 հունիսի — Sputnik. Ավարտվել է Սեւծովյան տնտեսական համագործակցության խորհրդարանական վեհաժողովի 51-րդ նստաշրջանի աշխատանքը, որն անցկացվում էր Ալբանիայի մայրաքաղաք Տիրանայում։
Հայաստանը վեհաժողովում ներկայացրել է ՀՀ ԱԺ նախագահի տեղակալ Էդուարդ Շարմազանովի գլխավորած պատվիրակությունը: Այս մասին տեղեկացնում են ԱԺ լրատվության և հանրային կապերի վարչությունից:
Նստաշրջանի ավարտին Ալբանիայից ՍԾՏՀ նախագահությունը փոխանցվել է Հայաստանին: Խորհրդանշական մուրճը հանձնվել է պատվիրակության ղեկավարին Էդուարդ Շարմազանովին։
ԱԺ պատվիրակության կազմում եղել են ՍԾՏՀ ԽՎ-ում ՀՀ ԱԺ պատվիրակության ղեկավար Գագիկ Մինասյանը, Գեւորգ Գորգիսյանը եւ Վահե Էնֆիաջյանը:
