ԵՐԵՎԱՆ, 18 հունիսի — Sputnik. GünayBank ադրբեջանական բանկի վարչության փոխնախագահ Էմին Զեյնալովը փախել է երկրից` բանկից տանելով 100 մլն մանաթ (մոտ 59 մլն դոլար)։ Այս մասին հայտնում է ՌԻԱ Նովոստին։
17 հունիսի 2018, 14:55
Հաղորդագրության համաձայն` Ադրբեջանում աննախադեպ մասշտաբի ֆինանսական խարդախություն է իրականացվել։ Խոշոր բանկի կառավարիչը փախուստի է դիմել երկրից` իր հետ տանելով աներևակայելի գումար։
Զեյնալովը գողացել է ավանդատուների գումարները, որոնք, փորձագետների կարծիքով, նախօրոք օֆշոր էին հանվել։ Պարբերականի տվյալներով` Զեյնալովը 2017 թվականի ապրիլից գլխավորում էր երկրի ամենախոշոր բանկերից մեկը` GünayBank–ը։
GünayBank ԲԲԸ–ն Ադրբեջանի առաջին կոմերցիոն բանկերից մեկն է, որը երկրում գործում է 1992 թվականից։
