00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
3 ր
Ուղիղ եթեր
09:21
2 ր
Ուղիղ եթեր
09:27
33 ր
Ուղիղ եթեր
10:00
3 ր
Ուղիղ եթեր
10:04
33 ր
Ուղիղ եթեր
11:00
3 ր
Ուղիղ եթեր
13:00
4 ր
Ուղիղ եթեր
14:00
3 ր
Ուղիղ եթեր
17:00
4 ր
Ուղիղ եթեր
18:00
3 ր
5 րոպե Դուլյանի հետ
18:03
7 ր
Ուղիղ եթեր
19:00
3 ր
Ուղիղ եթեր
09:00
6 ր
Ուղիղ եթեր
09:20
6 ր
Ուղիղ եթեր
12:00
5 ր
Ուղիղ եթեր
13:00
5 ր
Ուղիղ եթեր
14:00
4 ր
Исторический ликбез
Победа под Полтавой: почему Северная война продолжалась?
15:04
23 ր
Исторический ликбез
Полтавская битва: как русские шведов разгромили
15:33
24 ր
Ուղիղ եթեր
17:00
5 ր
Ուղիղ եթեր
18:00
5 ր
Աբովյան time
On air
18:19
41 ր
Ուղիղ եթեր
19:00
4 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Չլսված բարբարոսություն Սանահինում. մեղավոր կա, բայց խնդիրը լուծված չէ

© Sputnik / Юрий Абрамочкин / Անցնել մեդիապահոցСредневековый монастырь Санаин
Средневековый монастырь Санаин - Sputnik Արմենիա
Բաժանորդագրվել
Սանահինի 10-13-րդ դարերի վանական համալիրին դեռ սպառնում է ՅՈՒՆԵՍԿՕ-ի համաշխարհային ժառանգության ցուցակից դուրս մնալու վտանգը՝ չնայած նրան, որ դատարանը պատժել է մեղավորին։ Sputnik Արմենիայի թղթակիցը փորձել է պարզել, թե ինչպես կավարտվի աղմկահարույց պատմությունը։

Լիլիթ Հարությունյան, Sputnik Արմենիա

Մոտ մեկ տարի առաջ Sputnik Արմենիան գրել էր, որ Լոռու մարզի Սանահին միջնադարյան համալիրում վանդալիզմի չլսված դեպք է գրանցվել։

Բանն այն է, որ Սանահինի բնակիչ Գագիկ Վերանյանը որոշել էր իր մահացած հորը՝ Վանիչկա Վերանյանին (այդպես է գրված տապանաքարի վրա), հողին հանձնել հենց 10-13-րդ դարերի վանական համալիրի բակում՝ Զաքարյանների ու Արգուտինսկի — Դոլգորուկովների դամբարանի հարևանությամբ՝ տեղաշարժելով երկու հին տապանաքարերը։

Նշենք, որ Սանահինը ներառված է ՅՈՒՆԵՍԿՕ-ի համաշխարհային ժառանգության ցուցակում, և այս վանդալիզմի պատճառով կարող է զրկվել այդ կարգավիճակից։ Դրանից խուսափելու համար պետք է ապամոնտաժում իրականացնել և հանգուցյալի աճյունը տեղափոխել, իսկ հին տապանաքարերը վերադարձնել իրենց տեղը։

© Sputnik / Lilit HarutyunyanՍանահինի տարածք
Акт вандализма в монастырском комплексе Санаин - Sputnik Արմենիա
Սանահինի տարածք

Հայաստանի գլխավոր դատախազությունում հարուցվել է քրեական գործ։ Sputnik Արմենիան ուշադիր հետևել է, թե ինչպես են զարգացել իրադարձությունները։

Այս տարվա մայիսին գլխավոր դատախազությունը գործը մեղադրական եզրակացությամբ ուղարկել է Լոռու մարզի առաջին ատյանի դատարան, որտեղ ապրիլի 6-ին Գագիկ Վերանյանը մեղավոր է ճանաչվել Հայաստանի ՔՕ 264 հոդվածի 2-րդ մասով։

Թվում էր, թե խնդիրը կլուծվի, բայց… Մեղավորին տուգանել են 350 հազար դրամով, և այդ գումարը նա կարող է վճարել 10 ամսվա ընթացքում։ Ահա և վերջ։ Ոչ մի ապամոնտաժման մասին խոսք չկա։

Լոռու մարզի ընդհանուր իրավասության դատարանում Sputnik Արմենիայի թղթակցին բացատրեցին, որ իրենց առջև դրված խնդիրը լուծվել է, իսկ ապամոնտաժման և հանգուցյալի աճյունը տեղափոխելու հարցերով պետք է զբաղվի այլ կառույց։

© Sputnik / Lilit HarutyunyanՍանահինի տարածք
Акт вандализма в монастырском комплексе Санаин - Sputnik Արմենիա
Սանահինի տարածք

Այսպիսով, մարդու նկատմամբ կայացրել են մեղադրական դատավճիռ, տուգանել, բայց խնդիրը մնացել է չլուծված։ Գերեզմանը, որ փակում է Զաքարյանների միջնադարյան դամբարան տանող ճանապարհը, մնացել է իր տեղում, հետևաբար վանական համալիրի գլխին դեռ ճոճվում է ՅՈՒՆԵՍԿՕ-ի համաշխարհային ժառանգության ցուցակից ջնջվելու սուրը։

Կոպիտ ասած՝ ստացվում է, որ եթե ինչ-որ մեկը որոշի իր մահացած ազգականին թաղել Հայաստանի հնագույն եկեղեցիներից մեկի տարածքում, պարզապես պետք է իմանա, թե որքան պիտի վճարի դրա համար։

Մենք կապ հաստատեցինք Հայաստանի գլխավոր դատախազության հետ, որտեղից մեզ հայտնեցին, որ այս հարցի լուծման համար պետք է Ալավերդի քաղաքի դատարան հայց ներկայացնի հենց Սանահինի եկեղեցին։

Զրուցեցինք նաև Սանահինի վանահայր Տեր Միքայելի հետ։

Армянская церковь Пресвятой богородицы (Тандоянц) в Тбилиси - Sputnik Արմենիա
Ի՞նչ որոշում է կայացրել դատավորը Թբիլիսիի հայկական Թանդոյանց եկեղեցու վերաբերյալ

«Իհարկե, հարցը պետք է լուծել։ Այստեղ շատ խնդիրներ կան։ Այս տարածքը վիճելի է կադաստրի ծառայության տվյալների համաձայն։ Ուստի ոչ ոք չի կարող ասել, թե որտեղ է ավարտվում եկեղեցու տարածքը և սկսվում գերեզմանատունը։ Ահա և ստացվում է, որ գերեզմանոցը ներխուժել է համալիրի տարածք։ Եվ այդ հարցը նույնպես պետք է լուծել։ Ինչ էլ լինի, վանդալիզմի դեպքը չի կարելի այդպես թողնել, և մենք պատրաստ ենք ամեն ինչ անել իրավիճակը շտկելու համար», — ասաց Տեր Միքայելը։

Միաժամանակ նա նշեց, որ եկեղեցին իրավաբանական լիազորություններ չունի և որոշակի քայլեր ձեռնարկելու համար պետք է համապատասխան ցուցումներ ստանա Գեղարքունիքի թեմից։

«Իհարկե, այս դեպքում պետք է ապամոնտաժում կատարել», — ասաց նա և հավելեց, որ թեմն արդեն զբաղվում է այդ հարցով, և առաջիկա 10 օրվա ընթացքում համապատասխան հայց կներկայացվի դատարան։

Մենք հետաքրքրվեցինք նաև, թե ինչ քայլեր է ձեռնարկում Հայաստանի մշակույթի նախարարությունը։ Նախարարությանն առընթեր հուշարձանների պահպանության վարչության պետ Արմեն Աբրոյանը վստահեցրեց, որ համապատասխան քայլեր կձեռնարկվեն Մայր աթոռի հետ։

«Ամեն դեպքում հարցը պետք է լուծվի պատշաճ կերպով։ Պետք է նախադեպ ստեղծել նման դեպքերը կանխելու համար», — ասաց նա։

Sputnik Արմենիան հետևելու է իրադարձությունների զարգացմանը և իր ընթերցողներին տեղեկացնելու է գործի մանրամասների մասին։

Լրահոս
0