2018 թվականի մեղմ ու տաք ձմեռվա արդյունքում այս տարի ծիրանը Հայաստանում ժամանակից շուտ է հասել։
«Նախորդ տարվա համեմատ բերքը շատ լավն է։ Կարելի է ասել` բնությունն այս տարի գյուղացու կողմից է,», — Sputnik Արմենիայի թղթակցի հետ զրույցում ասաց գյուղացի Սահեն Պողոսյանը։
Գյուղացիներն իրենց մթերքը տեղական շուկայում են վաճառում, սակայն մեծ մասը հանձնում են արտահանողներին։ Այդ պատճառով ամենակարևորն այն է, որ գնորդները ժամանակին վերցնեն ապրանքը, հակառակ դեպքում գյուղացիներն այդքան մեծ ծավալից գլուխ չեն հանի։
