ԵՐԵՎԱՆ, 14 հունիսի — Sputnik. ՀՀ վարչապետ Նիկոլ Փաշինյանը Մոսկվայում ծանոթացել է Ադրբեջանի նախագահ Իլհամ Ալիևի հետ։ Այս մասին Facebook սոցցանցում ուղիղ եթերի միջոցով հայտնեց ՀՀ վարչապետը։
«Այնտեղ ներկա էր Ադրբեջանի նախագահ Իլհամ Ալիևը։ Ռուսաստանի նախագահը մեզ ծանոթացրեց», – ասաց Փաշինյանը։
Նրա խոսքով` դա «ծանոթության արարողակարգի» նման մի բան էր, որևէ շփում, զրույց կամ քննարկում չի եղել, նկատեց Փաշինյանը։
Նիկոլ Փաշինյանը երկօրյա այցով Մոսկվայում էր` ուղիղ միացումից հետո վարչապետը սկսեց նախապատրաստվել Երևան վերադառնալուն։
