ԵՐԵՎԱՆ, 14 հունիսի — Sputnik. ՀՀ վարչապետ Նիկոլ Փաշինյանը հինգշաբթի մեծ հարցազրույց է տվել RT հեռուստաալիքին, վերջում նրան հարցրեցին, թե ո՞ւմ է երկրպագելու։ Հատված հարցազրույցից։
– Ինչպե՞ս եք ձեզ զգում աշխարհի առաջնության մայրաքաղաքում։
– Շատ լավ։ Ներկա եմ գտնվելու բացման արարողությանը, համոզված եմ, որ շատ հետաքրքիր է լինելու, շատ աշխույժ և հիշարժան։ Եղանք Կարմիր հրապարակում կազմակերպած համերգին. հիանալի էր, շատ լավ, շատ ուժեղ տպավորություններ ստացանք։ Շատ հաճելի է։ Շնորհակալ եմ հրավերի համար։
– Իսկ ո՞ւմ եք երկրպագելու դուք։
– Ընդհանրապես Հայաստանի հավաքականին եմ երկրպագում, սակայն, քանի որ մեր թիմը, ցավոք, չի մասնակցում առաջնությանը, բոլոր թիմերին հաջողություն եմ մաղթում։
Հավելենք, որ Նիկոլ Փաշինյանը գտնվում է Ռուսաստանում երկօրյա աշխատանքային այցով։ Այցելության ընթացքում, մասնավորապես, նա հանդիպում է ունեցել Ռուսաստանի նախագահ Վլադիմիր Պուտինի, ՌԴ վարչապետ Դմիտրի Մեդվեդևի հետ, մասնակցել է ֆուտբոլի աշխարհի առաջնության բացման արարողությանը։
