Ռուսաստանցի հայտնի գիտնական, օվկիոնոսագետ, հայկական արմատներով Արթուր Չիլինգարովը ՀՀ վարչապետ Նիկոլ Փաշինյանին դիմել է խնդրանքով։
«Դուստրս ձեզ դիմելու է Հայաստանի քաղաքացիություն ստանալու խնդրանքով։ Նա բիզնեսով, բարեգործությամբ է զբաղվում», — Մոսկվայում հանդիսավոր ընդունելության ժամանակ ՀՀ վարչապետին է ասել Չիլինգարովը։
ՀՀ վարչապետ Նիկոլ Փաշինյանը Մոսկվա է մեկնել հունիսի 13-ին։ Հենց նույն օրը Ռուսաստանի մայրաքաղաքում կայացել է Ռուսաստանի նախագահ Վլադիմիր Պուտինի հետ բանակցությունը։ Այսօր նա կմասնակցի ֆուտբոլի աշխարհի առաջնության բացման արարողությանը։
Այսօր Փաշինյանը հանդիպել է հայկական համայնքի հետ, հայկական եկեղեցի է այցելել, նաև մասնակցել է հայ, խորհրդային հայտնի հրամանատար, զրահատանկային զորքերի գլխավոր մարշալ Համազասպ Բաբաջանյանի կիսանդրու բացմանը։
