ԵՐԵՎԱՆ, 13 հունիսի — Sputnik. Հայաստանի ֆուտբոլի ազգային հավաքականի ավագ, Լոնդոնի «Արսենալի» կիսապաշտպան Հենրիխ Մխիթարյանը ինքնագրեր կբաժանի երկրպագուներին: Այս մասին ֆուտբոլիստը հայտնել է Facebook սոցիալական ցանցի իր էջում։
Նա ինքնագրեր կբաժանի հունիսի 16-ին Երևանի «Մանկան» խանութի Մաշտոցի մասնաճյուղում, որտեղ վաճառվում են Մխիթարյանի անվանական «MickiToy» խաղալիքները:
Հանդիպումը կմեկնարկի Երևանի ժամանակով 12:00-ին:
Օրեր առաջ Մխիթարյանը ներկայացրել է իր արտաքինով «MickiToy» խաղալիքը, որը հայերեն ու անգլերեն է խոսում հենց ֆուտբոլիստի ձայնով։ MickiToy-ի հագին Հայաստանի ազգային թիմի մարզաշապիկն է։
