ԵՐԵՎԱՆ, 11 հունիսի — Sputnik. Սասուն Խաչատրյանին նշանակեցին Հատուկ քննչական ծառայության պետ։ Կառավարությունն այսօր՝ հունիսի 11-ին որոշում է կայացրել Խաչատրյանին վեց տարով ՀՔԾ պետ նշանակել։
Սասուն Խաչատրյանը զբաղեցրել է Արաբկիրի և Քանաքեռ-Զեյթուն, Մալաթիա-Սեբաստիա վարչական շրջանների Երեւանի դատախազի պաշտոնները։
Խաչատրյանը «Մհեր Խաչատրյան և գործընկերներ» փաստաբանական գրասենյակի տնօրենն է:
ՀՀ հատուկ քննչական ծառայության նախկին պետ Վահրամ Շահինյանը հունիսի 6-ին հայտարարել էր ծառայությունը լքելու մասին:
