ԵՐԵՎԱՆ, 11 հունիսի — Sputnik. Հայաստանի կառավարությունը 2019թ-ից ամբողջությամբ անցում կկատարի ծրագրային բյուջեի։ Այս մասին լրագրողներին ասաց Հայաստանի ֆինանսների նախարար Ատոմ Ջանջուղազյանը Ներքին աուդիտի մասնագետների միջազգային միության նիստում։
Ծրագրային բյուջեն գնահատում են ոչ թե ծախսերի ծավալով, այլ ձեռք բերած արդյունքներով։ Օրինակ` եթե ճանապարհ է կառուցվում, ապա արդյունքը կգնահատեն ճանապարհի մեկ կիլոմետրի վրա ծախսած միլիոնավոր դրամներով, այլ այն արդյունքներով, որոնք կապահովվեն բնակչության և տնտեսության համար։
«Պետք է հասկանալ, թե մենք ինչպես ենք չափելու ծախսերի արդյունավետությունն ըստ ոլորտների», — ասաց Ջանջուղազյանը։
Այս աշխատանքում կառավարությանը կօգնի Համաշխարհային բանկը։ Ինչ-որ երկրում յուրաքանչյուր ծրագրի համար բանկը ոչ միայն որոշում է ծախսերի նախահաշիվը, այլ նաև որոշում թիրախային արդյունքները։
Նոր մոտեցումն արդեն կիրառվում է պետբյուջեն կազմելիս, բայց առաջին անգամ այն լիովին կկիրառվի այս տարվա աշնանը 2019թ-ի բյուջեն կազմելու ժամանակ։
