ՄԱԿ–ի նորությունների ծառայության պաշտոնական էջում, հունիսի 2-ին, հրապարակվել էր երգչուհի Զառայի հայերեն երգի կատարման մի հատված։
«Նա ելույթ է ունեցել ՄԱԿ–ում Ռուսաստանի առաքելության կազմակերպած ֆուտբոլի առաջնության շնորհանդեսին։ Ունկնդիրների թվում էր Ռուսաստանի մշտական ներկայացուցիչ Վասիլի Նեբենզյան», – այս մակագրությամբ են տեսանյութը հրապարակել կայքը համակարգողները։
Ծագումով քուրդ Զառան տարբեր բեմերում հաճախ է կատարում «Դլե յաման» երգը։ Այդ թվում НТВ հեռուստաալիքի և Sputnik միջազգային գործակալության կազմակերպած «Ты супер!» նախագծում։ Այն ժամանակ նա սատարում էր Հայաստանի մասնակից Անգելինա Պապիկյանին։
«2009 թվականին «Երկու աստղ» ("Две звезды") ծրագրի շրջանակներում Զառան ու թատրոնի և կինոյի ռուս դերասան Դմիտրի Պևցովը «Դլե Յաման» և «Ախ, տի ստեպ շիրոկայա» երգերից ռեմիքս էին ստեղծել»։
Այդ կատարումը շատերին դուր եկավ։
