ԵՐԵՎԱՆ, 6 հունիսի- Sputnik. Վանաձոր քաղաքում այրվել է «SEAT» մակնիշի ավտոմեքենան:
Ինչպես հայտնում է ՀՀ ԱԻՆ մամուլի ծառայությունը, հունիսի 5-ին, ժամը 23:08-ին «911» ծառայությանը տեղեկություն է ստացվել, որ Լոռու մարզի Վանաձոր քաղաքի «Տարոն-2» թաղամասի վերջնամասում գտնվող «Կամակատար» կոչվող մատուռի մոտակայքում այրվում է ավտոմեքենա:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Հրդեհը մարվել է ժամը 23:57-ին:
Ամբողջությամբ այրվել է «SEAT» մակնիշի ավտոմեքենա: Հրդեհի հետևանքով տուժածներ չկան:
