ԵՐԵՎԱՆ, 5 հունիսի — Sputnik. ՀՀ վարչապետ Նիկոլ Փաշինյանի որոշմամբ` Կարեն Ղահրամանյանն ազատվել է ՀՀ էներգետիկ ենթակառուցվածքների և բնական պաշարների փոխնախարարի պաշտոնակատարի պաշտոնից:
«Կարեն Ղահրամանյանին ազատել Հայաստանի Հանրապետության էներգետիկ ենթակառուցվածքների և բնական պաշարների նախարարի տեղակալի պաշտոնակատարի պաշտոնից՝ իր դիմումի համաձայն»,- նշված է վարչապետի որոշման մեջ:
Ղահրամանյանն այդ պաշտոնում նշանակվել էր 2018 թվականի փետրվարի 22-ին, Կարեն Կարապետյանի որոշմամբ։ Մինչ այդ նա 14 տարի եղել էր նույն նախարարության աշխատակազմի ղեկավարը։
