Գագիկ Մակարյան. ոչ ծավալուն ծրագիրը քննադատվելու քիչ տեղ է թողնում և առաջիկա ընտարշավին պաշտպանված լինելու երաշխիք է
«Ուզում եմ ասել, որ բոլոր հարթակներում Նիկոլ Փաշինյանի ասած մտքերն ամփոփված են այս ծրագրում։ Դրանով ինքը փորձել է 2 խնդիր լուծել։ Առաջինը` հասարակությանը ցույց տալ, որ այն ինչ տարբեր հարթակներում խոստացվել է, վերածվել է ծրագրի և 2–րդ` պետական մարմիններին այդ ծրագիրը փոխանցել կատարելու համար։ Մինչև հիմա հնչած ելույթները լավ խմբագրվել, ձևակերպվել են 10 գլուխների մեջ»,–ասում է Մակարյանը։
Նա հիշեցնում է` քանի որ սա ժամանակավոր է համարվում, ապա ստացվում է, որ այս ծրագիրը միջանկյալ է։ Մակարյանը կարծում է, որ հենց դրա համար նրանք խուսափել են թվեր ներկայացնելուց, որովհետև եթե թվեր ներկայացնեին, պիտի հաշվարկներ, վերլուծություններ ու կանխատեսումներ անեին։
