00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
6 ր
Ուղիղ եթեր
09:36
24 ր
Ուղիղ եթեր
10:00
5 ր
Ուղիղ եթեր
10:06
43 ր
Ուղիղ եթեր
11:00
5 ր
Ուղիղ եթեր
13:00
5 ր
Ուղիղ եթեր
14:00
5 ր
Ուղիղ եթեր
17:00
5 ր
Ուղիղ եթեր
18:00
5 ր
Աբովյան time
Ապրիլի 24-ից առաջ 1.5 միլիոն ցեղասպանված հայերի անունների արձանագրման մասին հայտարարությունը հենց այնպես չէ․ Աննա Գրիգորյան
18:12
41 ր
Ուղիղ եթեր
19:00
6 ր
Ուղիղ եթեր
Լուրեր
09:33
46 ր
Ուղիղ եթեր
Լուրեր
10:00
46 ր
Գևորգ Դանիելյան
Ինչն է խանգարում հրապարակել 44-օրյա պատերազմում զոհվածների անուն-ազգանունները. Գևորգ Դանիելյան
10:45
6 ր
Ուղիղ եթեր
Ուրիշ նորություններ
10:47
5 ր
Ուղիղ եթեր
Լուրեր
11:00
46 ր
Ուղիղ եթեր
Ուրիշ նորություններ
11:52
0 ր
Ուղիղ եթեր
Լուրեր
13:00
46 ր
Ուղիղ եթեր
Լուրեր
14:00
46 ր
Ուղիղ եթեր
Լուրեր
17:00
46 ր
Ուղիղ եթեր
Լուրեր
18:00
46 ր
Ուղիղ եթեր
Լուրեր
19:00
46 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Ամենաթողության տարիներն անհետևանք չեն անցել. ինչի հետ է կապված շուկայում տիրող իրավիճակը

© Sputnik / Laura SarkisianСупермаркет "Ереван сити"
Супермаркет Ереван сити - Sputnik Արմենիա
Բաժանորդագրվել
Հայաստանում տևական ժամանակ արատավոր սխեմա էր գործում. ռիթեյլերը միաժամանակ զբաղվում էր նաև ապրանքի ներմուծմամբ կամ արտադրությամբ, կամ բոլորը միասին։ Որևէ նորմալ երկրում նման բան չկա։

ԵՐԵՎԱՆ, 2 հունիսի —Sputnik, Աշոտ Սաֆարյան. Հայաստանյան շուկայում մեկնարկած զանգվածային ստուգումներն ու խոշոր սուպերմարկետներին ԱԱՀ ռեժիմին վերադարձնելու որոշումը հետևանքն է այն բանի, որ հարկային կառույցները երկար տարիներ անփույթ են աշխատել։ Այս մասին Sputnik Արմենիային ասաց Փոքր և միջին բիզնեսի համագործակցության ասոցիացիայի նախագահ Հակոբ Ավագյանը։

«Ընդհանրապես կապ չունի, թե ինչ պայմանավորվածություններ են եղել հարկային մարմինների և բիզնեսի միջև։ Ամեն ինչ պետք է կարգավորի օրենքը, ոչ թե գաղտնի պայմանավորվածությունները։ Պետեկամուտների կոմիտեում գիտեին, որ խոշոր առևտրային ցանցերն իրենց գործունեությունը ձևակերպում էին ԱՁ-ների միջոցով` ԱԱՀ-ի 20%-ից ու եկամտահարկից խուսափելու համար։ Բայց նրանք աչք էին փակում դրա վրա», — ասում է Ավագյանը։

Նրա խոսքով` երբ 2012 թվականին շրջանառությունից գանձվող 5% հարկ սահմանեցին փոքր և միջին բիզնեսի համար, որևէ տեղ նշած չէր այն դրույթը, որի համաձայն` ԱԱՀ վճարող խոշոր տնտեսվարողները կարող էին հրաժարվել ապրանք գնել ԱՁ-ից միայն այն պատճառով, որ նա այլ հարկային ռեժիմում է գործում։ Օգտվելով այն հանգամանքից, որ օրենքն այդ հարցը չի կարգավորում, ինչպես նաև շուկայում ունեցած իր գերիշխող դիրքից` ռիթեյլերը հրաժարվում էր գնել ապրանքը մանր վաճառականից, և օրենքը նրան չէր պատժում դրա համար։

«Առևտրի մի շարք ցանցեր նաև ապրանք էին գնում առանց որևէ փաստաթղթաշրջանառության։ Ինչ սխեմաներ էին այստեղ գործում, ինչպես էր աշխատում գնորդ-մատակարար շղթան, չգիտենք», — ավելացրեց Ավագյանը։

Премьер-министр Армении Никол Пашинян на пути от Дома правительства в министерство Экономики (15 мая 2018). Еревaн - Sputnik Արմենիա
Նիկոլ Փաշինյանը շրջում է խանութներում և ստուգում գները. լուսանկար

Հայաստանում տևական ժամանակ ևս մի արատավոր սխեմա էր գործում` ռիթեյլերը միաժամանակ զբաղվում էր նաև վաճառող ապրանքի ներմուծմամբ կամ արտադրությամբ, կամ բոլորը միասին։ Որևէ նորմալ երկրում նման բան չկա։

«Չի կարող սուպերմարկետների ցանցը ապրանք արտադրել, ներկրել և վաճառել։ Աբսուրդ է։ Եվ երբ սուպերմարկետների խոշոր ցանցը զբաղվում է նաև խմիչքի արտադրությամբ, ապա հարց է առաջանում` այդ դեպքում մեր ինչի՞ն է պետք փոքր և միջին բիզնեսը, որը պետք է այդ խմիչքն արտադրեր ու մատակարարեր ռիթեյլերին։ Այս ամենաթողությունն ու անօրինականությունը ոչ ոք չէր կանխում», — պնդում է փորձագետը։

Հիշեցնենք, որ ավելի վաղ սուպերմարկետների ներկայացուցիչները նամակով դիմել էին ՀՀ վարչապետ Նիկոլ Փաշինյանին։ Դիմումը ստորագրել էին սուպերմարկետների խոշոր ցանցերի 11 ներկայացուցիչներ` «Երևան Սիթի», «Նոր Զովք», «Կրպակ», «Կայզեր», «Սաս Գրուպ», «Պարմա», «Ծիրան», «Էվրիկա», «Վաս Գրուպ», «Դանիելյան» և «Շիրակ»։

Նամակում, մասնավորապես ասվում էր, որ մթերային ցանցային խանութները ՊԵԿ-ի թույլատվությամբ բացել են Ա/Ձ-ներ և գյուղմթերքի շրջանառությունը իրականացրել են այդ Ա/Ձ-ների միջոցով, որի համար սահմանվել է 5 տոկոս շրջանառության հարկ: Օրինակ, եթե գյուղմթերքը գյուղացուց գնվել է 1,000 ՀՀ դրամով և վաճառվել 1,100 ՀՀ դրամով, հարկային մարմին որպես շրջանառության հարկ վճարվել է 55 ՀՀ դրամ, իսկ եթե ցանցերը գործունեություն ծավալեին առանց Ա/Ձ-ների, ապա վերջիններս պետք է ընդհանուր գնից վճարեին 20 տոկոս ԱԱՀ, ինչն անթույլատրելի է, քանի որ ԱԱՀ-ի վճարման պարտավորությունը կրելու էր սպառողը, ինչն էլ իր հերթին կբերեր գյուղմթերքի բավական անհիմն թանկացումների: Ստացվում է, որ Պետական եկամուտների կոմիտեն գյուղմթերքի դիմաց ցանցերի շահույթի զգալի մասը արդեն իսկ գանձել է և հիմա պահանջում է ևս 20 տոկոս հարկի վճարում նախկին շրջանառությունից, որը ցանցերը չեն աշխատել:

Министр экономического развития и инвестиций Армении Арцвик Минасян на бизнес форуме ЕАЭС Армения - сотрудничество (2 июня 2018). Цахкадзор - Sputnik Արմենիա
ՌԱԴԻՈ
Մինասյան. «Սուպերմարկետը չի կարող իր խաղի կանոնները թելադրել»

ՀՀ վարչապետ Նիկոլ Փաշինյանն ի պատասխան այս նամակի նրանց մեղադրել էր անհիմն թանկացման համար և քաղաքացներին կոչ էր արել բոյկոտել «թալանչիներին և կոռուպցիոներներին»։

Իսկ շաբաթ օրը` հունիսի 2-ին, Փաշինյանը որոշեց անձամբ ստուգել իրավիճակը։ Նա շրջայց կատարեց խանութներում և հայտարարեց, որ ոչ մի թանկացում էլ չկա։ Փաշինյանի ֆեյսբուքյան գրառումից մի քանի ժամ անց մի շարք խոշոր վաճառողներ հայտարարեցին գների իջեցման մասին։

Հիշեցնենք, կառավարության և խոշոր առևտրային ցանցերի հակասությունն առաջացավ մայիսի 30-ին, երբ Ազգային անվտանգության ծառայությունը կոռուպցիոն և տնտեսական բնույթի հանցագործությունների դեմ պայքարի շրջանակում բացահայտել էր, որ «Ալեքս Հոլդինգ» ՍՊ ընկերությունը խուսափել է խոշոր չափի հարկեր վճարելուց:

ԱԱԾ-ն պարզել էր, որ ընկերությունը հարյուրավոր կեղծ ԱՁ-ներ է գրանցել և դրանց միջոցով ապրանք վաճառել` վճարելով շրջանառության 2% հարկ` 20 տոկոս ԱԱՀ-ի և շահութահարկի փոխարեն։

Պարզվեց, որ այդ սխեմային իր համաձայնությունն էր տվել Հայաստանի պետեկամուտների կոմիտեի նախկին ղեկավարությունը, որպեսզի խոշոր խանութներում չթանկացնեն միրգն ու բանջարեղենը։

Լրահոս
0