«Քաղաքական հարթակում կարող են նոր զարգացումներ լինել` ելնելով ՀՀ ներքաղաքական նոր իրողություններից, և այն հարցերը, որոնք կնճռոտ են եղել հայ-վրացական հարաբերություններում, կարող են նորովի առաջ քաշվել և լուծումներ ստանալ»,- ասաց նա։
Նրա խոսքով` ցանկացած պարագայում պետք է նոր հնարավորություններ փնտրել և գտնել։
«Որովհետև հայ-վրացական հարաբերությունները ամբողջովին հարթ չեն եղել, և դա բնական է, որովհետև ցանկացած երկիր, իր հարևանի հետ ունենալով ջերմ ու գործընկերային հարաբերություններ, կարող է ունենալ նաև կնճռոտ հարցեր։ Մեզ համար կարևոր է օր առաջ հարթել այդ կնճիռները։ Այն պարզ պատճառով, որ ընդհանրական շատ մեծ շահեր ունենք տարածաշրջանում և մեկս մյուսին պետք է թիկունք լինենք»,- ասաց նա։
Տարածաշրջանային և միջազգային մարտահրավերներին դիմակայելու ընդհանրական շահերը պետք է երկրներին ավելի մերձեցնեն։
Թորոսյանը խոսեց նաև վրացական «սև ցուցակի» մասին` կոչ անելով, որ բոլորին այդ հնարավորությունը տրվի։
Նրա խոսքով` երկու երկրի հարաբերությունների այսօրվա բարձր մակարդակը չի կարող ենթադրել «սև ցուցակի» գոյություն։ Թորոսյանը վստահեցնում է` Հայաստանում չկա մեկը, ով չուզի Վրաստանի բարեկեցությունը, չկա մեկը, ով թշնամաբար տրամադրված լինի Վրաստանին։
