ԵՐԵՎԱՆ, 26 մայիսի – Sputnik. Հոլանդահայ մարզիկ Գեղարդ Մուսասին (Մովսեսյան), որը Հոլանդիայի դրոշով է հանդես գալիս, արդեն 2-րդ անգամ չեմպիոն դարձավ Bellator մրցաշարում։
25 մայիսի 2018, 11:22
MMA-ի (խառը մենամարտեր) հայ մարտիկը Լոնդոնի «Ուեմբելի» մարզադաշտում մրցեց բրազիլացի Ռաֆայել Կարվալյոյի հետ, որին էր պատկանում Bellator-ի միջին քաշային կարգի չեմպիոնական գոտին։
Մենամարտը երկար չտևեց. առաջին ռաունդի 4-րդ րոպեին Մուսասիի հարձակումից հետո մարտը դադարեցվեց։ Հոլանդահայ «սուպերմենը» հաղթեց տեխնիկական նոկաուտով։
2017-ի հոկտեմբերին Մուսասին նորամուտը հաղթանակով էր նշել Bellator-ում: Միջին քաշային կարգի մենամարտում նա մրցել էր Bellator-ի նախկին չեմպիոն, ռուսաստանցի Ալեքսանդր Շլեմենկոյի հետ և հաղթել մրցավարների որոշմամբ (29:28)։
