ԵՐԵՎԱՆ, 24 մայիսի – Sputnik. Առաջիկայում ՀՀ բոլոր մարզպետները կլքեն իրենց պաշտոնները, նոր նշանակումներ կլինեն։ Այս մասին այսօր լրագրողներին ասաց ՀՀ տարածքային կառավարման և զարգացման նախարար Սուրեն Պապիկյանը։
«Առաջիկայում մարզպետները կնշանակվեն, վարչապետը կներկայացնի նշանակումները», – ասաց Պապիկյանը։
Նա հավելեց, որ մարզպետները պետք է համակերպվեն ստեղծված իրավիճակի հետ։Նրա խոսքով`բոլոր մարզպետներն անխտիր պետք է փոխվեն։
Պապիկյանը նշեց` նոր նշանակումների մասին որոշումները դեռ չեն ընդունվել, սակայն առաջիկայում դա տեղի կունենա։
Հիշեցնենք` Պապիկյանը նախարար է դարձել այս տարվա մայիսի 11–ից` այդ պաշտոնում փոխարինելով Դավիթ Լոքյանին։
