Մանուկյան. «Ցեղասպանության ճանաչումն իսրայելյան հասարակության համար լուրջ կռվաններ ունի»

Թուրքիայի հետ հարաբերությունների սրման հետևանքով Իսրայելն ու ԱՄՆ-ն Հայոց ցեղասպանությունը չեն ճանաչի։ Sputnik Արմենիայի հետ զրույցում այս տեսակետը հայտնեց Հայոց ցեղասպանության թանգարան-ինստիտուտի տնօրենի պաշտոնակատար Սուրեն Մանուկյանը։

«Ընդամենը 2 ամիս առաջ էր, որ այս հարցը դրված էր Իսրայելի խորհրդարանում, բայց քվեարկության արդյունքում մերժվեց։ Չեմ կարծում, որ այս երկու ամսվա ընթացքում խորհրդարանականների քաղաքական դիրքորոշումները կտրուկ փոխվել են»,- ասաց նա։

Մանուկյանի խոսքով` Հայոց ցեղասպանության ճանաչումը իսրայելյան հասարակության համար ունի շատ ավելի լուրջ կռվաններ։ Ընդ որում` մեծամասնությունը չճանաչելու դիրքորոշում ունեն։