Բագրատ Ասատրյան
«Փակ համակարգ էր, որտեղ քաղաքական ուժը ոչ մրցակցային լինելով` ինքնաբավ էր։ Տնտեսական գործունեությունն այդ հատվածներից մեկն է եղել։ Ամենաեկամտաբերներն իրենք վերաբաշխման սկզբունքով տրամադրում էին ինչ–որ անձանց, որոնք օրենքից դուրս էին գործում։
Ինչ–որ պահի Հայաստանի հանքերը ևս դարձան առուվաճառքի առարկա։ Ամբողջ այդ ցանկը նախկին իշխանության տնօրինության տակ էր, իրենք էին որոշում` ինչ, ինչ գնով և ում հատկացնել։ Նայեք` մեր հանքավայրեր շահագործողները հիմնականում գրանցված են օֆշորներում»,–նկատում է Բագրատ Ասատրյանը։
Տնտեսագետի խոսքով` տարիներ շարունակ մեր հանքերը շահագործվում են ի նպաստ կոնկրետ անձանց, բայց եթե մտածում ենք երկրի տնտեսության առողջացման մասին հենց այս քայլերից պետք է սկսել։ Կառավարության կողմից սա պահանջի տեսքով պետք է դրվի։
