ԵՐԵՎԱՆ, 22 մայիսի — Sputnik. Երեքշաբթի երեկոյան վատ եղանակի պատճառով ուշացել է Մոսկվա–Երևան չվերթը։ Մասնավորապես, «Շերեմետևո» օդանավակայանից թռիչք կատարած №1862 չվերթի ինքնաթիռը «Զվարթնոց» օդանավակայանում պետք է վայրէջք կատարեր տեղի ժամանակով 20։05–ին։
Այս մասին Sputnik Արմենիային տեղեկացրեց ինքնաթիռի ուղևորներից մեկը։
Սակայն ուժեղ ամպրոպի պատճառով այն չի կարողացել վայրէջք կատարել։ Մի քանի պտույտ կատարելով թռիչքուղու վրա` ինքնաթիռն ի վերջո մեկնել է Մինվոդի։
Երևան ժամանելու ժամն առայժմ անհայտ է։
