ԵՐԵՎԱՆ, 16 մայիսի — Sputnik. «Սկրիպալների գործը» շարունակում է մնալ միջազգային օրակարգում։ Դաշնային խորհրդի նախագահ Վալենտինա Մատվիենկոն ՌԻԱ Նովոստիի թղթակից Մարիա Բալինինա–Ուրբանի հետ զրույցում ասել է, թե արդյո՞ք հակառուսական հռետորաբանության մեջ կարելի է հույս դնել Արևմուտքի խելամտության վրա։
Մեծ Բրիտանիան «Սկրիպալների գործը», ինչպես ասում են, միջազգային օրակարգ խցկեց։ Սկրիպալի թունավորման որևէ ապացույց, Ռուսաստանին մեղադրելու որևէ հիմք չունենալով` նա համառորեն առաջ էր տանում այդ օրակարգը միջազգային դաշտում», – այդ թեմայի շուրջ բորբոքված կրքերն է մեկնաբանել Մատվիենկոն։
Բայց, նրա խոսքով, երկու ամիս է անցել, սակայն որևէ նոր ու իրական ապացույց, Ռուսաստանին մեղադրելու համար որևէ հիմք չի հայտնվել, սակայն մի շարք փաստեր են հայտնվել լավ «չսոսնձված» սադրանքի վերաբերյալ։
«Ինչպես հրահանգով սադրանք էին կազմակերպել, և այն գործեց, հետո, կրկին հրահանգով, Սկրիպալի թեման դուրս մնաց տեղեկատվական դաշտից։ Սակայն մենք չենք թույլ տա կոծկել այդ պատմությունը։ Մենք պնդում ենք և պնդելու ենք, որպեսզի օբյեկտիվ հետաքննություն անցկացվի և հայտնաբերվեն այս պատմության իրական մեղավորները», – նշել է Մատվիենկոն։
Նա ընդգծել է, որ անկախ Մեծ Բրիտանիայում Ռուսաստանի դեսպանատան կողմից առաջ քաշած պահանջների, այն է` հանդիպում անցկացնել Սկրիպալների հետ, դիվանագետները միայն մերժում էին ստանում։
«Մենք պնդում էինք և շարունակում ենք պնդել, որպեսզի Սկրիպալների հետ պարտադիր հանդիպում կազմակերպվի։ Ներեցեք, մենք Մեծ Բրիտանիայից ծառայություն չենք պահանջում։ Հյուպատոսության աշխատակիցներին նման հնարավորություն ընձեռելը նրանց պարտականությունն է։ Ի՞նչ է Մեծ Բրիտանիան առևանգել է նրանց։ Ինչպե՞ս կարելի է դա բացատրել», – հարցադրում է անում սենատորը։
Մատվիենկոյի կարծիքով` սա նման է Ռուսաստանի քաղաքացիների առևանգման։ Բացի այդ, սենատորը նշել է, որ ամբողջ պատմության ընթացքում Ռուսաստանի և Մեծ Բրիտանիայի հարաբերություններն այսօր վատագույն մակարդակի վրա են գտնվում։
«Եվ ես կարծում եմ, որ քանի դեռ իշխանության գլխին այնպիսի մարդիկ են կանգնած, որոնք ռուսատյացություն են հրահրում, որոնք ամբողջությամբ այդ հակառուսական քաղաքականության մեջ են, մոտ ապագայում հնարավոր չէ հուսալ, որ հարաբերությունները կբարելավվեն։ Նկատի ունեմ և՛ Թերեզա Մեյին, և՛ նրա կաբինետը, և այն մարդկանց, ովքեր փորձում են կանգնել ռուսատյացության քաղաքականության առաջնամասում, նման փնթի մեթոդներով իրենց ներդրումն անել Ռուսաստանի դեմ պայքարում», – նշել է Մատվիենկոն։
Նա նաև ընդգծել է, որ չկա այնպիսի բան, որը կարող է խոչընդոտել Ռուսաստանի և Մեծ Բրիտանիայի ժողովուրդների հարաբերությունների բարելավմանը։
