ԵՐԵՎԱՆ, 15 մայիսի — Sputnik. ՀՀ վարչապետ Նիկոլ Փաշինյանը լրագրողներին հայտնեց, որ Սոչիում կայացած հանդիպման ժամանակ Վլադիմիր Պուտինի հետ տարաբնույթ հարցեր են քննարկել։
«Շատ արդյունավետ հանդիպում էր։ Քննարկումն ընդհանուր բնույթ էր կրում», — ասաց Փաշինյանը։
Իսկ Բելառուսի նախագահ Ալեքսանդր Լուկաշենկոյի հետ քննարկել են Հայաստանին առնչվող հարցեր, այդ թվում` Ադրբեջանին զենք վաճառելու հարցը։
Նրա խոսքով` Բելառուսի նախագահն այդ հարցերին «նորմալ» է արձագանքել։
Ըստ վարչապետի` ԵԱՏՄ գագաթնաժողովը քննարկումների համար հետաքրքիր ձևաչափ է։
Հայաստանի վարչապետ Նիկոլ Փաշինյանի ու Ռուսաստանի նախագահ Վլադիմիր Պուտինի առաջին հանդիպումը կայացել է Սոչիում մայիսի 14-ին։ Այնտեղ Փաշինյանը հանդիպել է նաև Ալեքսանդր Լուկաշենկոյի հետ ու մասնակցել ԵԱՏՄ գագաթնաժողովին։
