ԵՐԵՎԱՆ, 14 մայիսի — Sputnik. ՀՀ կրթության և գիտության նախարար Արայիկ Հարությունյանն առաջարկում է հետաձգել քննությունները։ Այս մասին նա գրել է ֆեյսբուքյան իր էջում։
«Քանի որ ավարտական դասարանների աշակերտները Համաժողովրդական շարժման ընթացքում ժամանակ են կորցրել և լավ չեն պարապել քննությունների համար, առաջարկ ունեմ մեկ շաբաթով հետաձգել ընդունելության քննությունները»,- գրել է նախարարը Հարությունյանը։
Նա նաև իր առաջարկի մասին ցանկանում է լսել կարծիքներ` մինչև կառավարության հետ համաձայնեցնելը և հիմնականում ուզում է լսել ուսուցիչների կարծիքները։
ՀՀ կրթության և գիտության նախարարությունն անցած շաբաթ հրապարակել էր այս տարվա քննությունների ժամանակացույցը, որի համաձայն` միասնական քննությունները պետք է մեկնարկեն հունիսի 1-ին:
