Սերգեյ Շաքարյանց
«Արցախը դադարել է բանակցային կողմ լինել միմիայն ԱՄՆ-ի պահանջով, որը համալրում է Մինսկի խմբի համանախագահների թիմը: Դա եղել է 1997 թվականի հունվարին, երբ Ռոբերտ Քոչարյանը Ստեփանակերտից եկել էր Երևան և սկսել էր վարչապետի պաշտոնավարությունը: Այդ ժամանակ արդեն առանց Արցախի ձևաչափը կազմվել էր»,- ասաց քաղաքագետը:
Ըստ նրա՝ 1997 թվականի հունվարին դեռ Լևոն Տեր-Պետրոսյանն էր Հայաստանի նախագահը, և առանց նրա համաձայնության դժվար թե ձևաչափի նման փոփոխություն լիներ:
Քաղաքագետը նշում է, որ մինչև 1996 թվականը բոլոր փաստաթղթերը ֆիքսում էին, որ հակամարտության մեջ կային երեք իրավահավասար կողմ: Այն ժամանակ Հեյդար Ալիևը չէր վախենում ուղիղ բանակցություններից Արցախի իշխանությունների հետ: Բայց դրանից հետո իրավիճակը կտրուկ փոխվեց:
Շաքարյանցը համոզված է, որ Արցախը կրկին բանակցությունների սեղանի շուրջ վերադարձնելու համար Հայաստանը պետք է համաձայնության գա Մինսկի խմբի համանախագահների եռյակ երկրների և նախևառաջա ԱՄՆ-ի հետ:
