ԵՐԵՎԱՆ, 11 մայիսի — Sputnik. Հայաստանի ոստիկանության նոր պետ Վալերի Օսիպյանը պաշտոնը ստանձնել է առանց որևէ պայմանի։ Այդ մասին նա լրագրողներին ասաց կառավարության նիստից հետո։
Փաշինյանը ներկա կառավարությունն անվանել է ժամանակավոր և պատրաստվում է պայքարել արտահերթ խորհրդարանական ընտրությունների համար։ Այն հարցին, թե Օսիպյանը որքան է նախատեսում մնալ ոստիկանապետի պաշտոնում, նա պատասխանեց. «Այդ մասին պայմանավորվածություններ չկան։ Ես այդ պաշտոնն ընդունել եմ առանց պայմանների»։
Փաշինյանն Օսիպյանին նշանակելու մտադրության մասին հայտարարել է ֆեյսբուքյան իր էջում, բայց Օսիպյանն ավելի վաղ է իմացել այդ մասին։
«Նա այդ որոշումը չի ընդունել առանց ինձ հետ խոսելու։ Այսօր առավոտյան նա ինձ ներկայացրեց ոստիկանությունում», — ասաց Օսիպյանը։
Այն հարցին, թե ինչպես է նրան ճանապարհել նախկին ոստիկանապետ Վլադիմիր Գասպարյանը, Օսիպյանն ասաց. «Նա ինձ արդեն շնորհավորել է»։
«Ինչպես բացատրեց, նա հեռացել է օրենքի շրջանակում, որովհետև արդեն 60 տարեկան է։ Դա ճիշտ է, հենց այդպես էլ կա։ Ես կմնամ այնքան, որքան իմ աշխատանքն արդյունավետ կլինի», — նշեց նա։
Նա չմանրամասնեց Գասպարյանի հետ զրույցի մանրամասները։ «Դա մեր անձնական զրույցն է եղել։ Ի՞նչ է նա ինձ խորհուրդ տվել։ Ավելի նվիրված ծառայել ժողովրդին», — ասաց Օսիպյանը։
