ԵՐԵՎԱՆ, 8 մայիսի — Sputnik. Հայտնի երգչուհի Ռոզի Արմենը Երևան է գալիս։ Այս մասին նա գրել է Facebook սոցիալական ցանցի իր էջում։ Նա Փարիզի օդանավակայանից լուսանկար է հրապարակել։
«Ես օդանավակայանի մեկնման սրահում եմ, տրամադրությունս համապատասխան է, Երևան եմ մեկնում», — գրել է երգչուհին։
Ռոզի Արմենը վերջին անգամ Հայաստան է եկել 2017 թվականի սեպտեմբերին «Արմենիա» հեռուստաընկերության «Ծագումով հայերը» հաղորդման շրջանակում` Հայաստանի անկախության 26-րդ և հաղորդման 10-րդ տարեդարձի տոնական համերգի կապակցությամբ։
Ավելի վաղ Sputnik Արմենիայի թղթակցի հետ զրույցում նա խոսել էր իր երևանյան առաջին այցի մասին։
Նա ծնվել է դերձակի ու վարսահարդարի ընտանիքում, մայրը ծնունդով Անկարայից է, հայրը` Նախիջևանից։ Տանը միշտ հայերեն են խոսել, բայց դպրոցում նա ստիպված է եղել միայն ֆրանսերեն խոսել։
