ԵՐԵՎԱՆ, 8 մայիսի — Sputnik. Հեռուստաաստղ Քիմ Քարդաշյանն Instagram-ի իր հետևորդներին զարմացրել է դպրոցական լուսանկարով։
Նա ցույց է տվել, թե ինչ տեսք է ունեցել 8-րդ դասարանում։ Լուսանկարում ավելի շատ է հայուհու նման, քան հիմա։ Հայտնի է, որ Քարդաշյանը բազմաթիվ վիրահատություններ է արել, և նրա այսօրվա արտաքինից կարելի է դատել, որ բժիշկները լուրջ ջանքեր են գործադրել Քիմի այսօրվա տեսքը ստանալու համար։
Լուսանկարում Քիմը կաթոլիկ դպրոցի համազգեստով է։ Նրա էջի բաժանորդներից շատերը նշել են, որ նա առանց վիրահատությունների շատ ավելի գեղեցիկ է։
Քիմ Քարդաշյանը հայտնի ֆոտոմոդել է, դերասանուհի և հաղորդավարուհի, ծնվել է Լոս Անջելեսում 1980 թվականի հոկտեմբերի 21-ին։ Քիմբերլիի հայրը (Քիմի ամբողջական անունը) փաստաբան Ռոբերտ Քարդաշյանն է, ծագումով հայ, որի նախնիները Կարս քաղաքից Կալիֆոռնիա են տեղափոխվել 19-րդ դարում։
