ԵՐԵՎԱՆ, 7 մայիսի — Sputnik. Հայաստանում արդյունաբերական արտադրությունը 2017թ-ին աճել է 12,6 տոկոսով։ Այս մասին նշված է Հայաստանի տնտեսական զարգացման և ներդրումների նախարարության հաշվետվությունում։
Արդյունաբերության աճն ամենախոշորն է եղել անցած տարիներին և 2014թ-ից կայուն կերպով աճել է (այդ ժամանակ այն կազմել է 2,7 տոկոս)։ Իսկ ոչ հումքային տնտեսությունը (մշակող արդյունաբերություն) ավելի շատ է աճել` 15,7 տոկոսով։
Ապրանքների արտահանումն աճել է 25,2 տոկոսով, իսկ ՀՆԱ-ում արտահանման բաժինն աճել է մինչև 38,1 տոկոս։ Այդ ցուցանիշները Հայաստանի համար նույնպես ամենաբարձրն են եղել վերջին տարիների ընթացքում։ Արտահանումն աճել է նաև դեպի ԵԱՏՄ (41 տոկոսով) և Եվրամիություն (32 տոկոսով)։
Զբոսաշրջությունից ստացված եկամուտներն առաջին անգամ գերազանցել են միլիարդ դոլարը։ Վիճակագրական տվյալների համաձայն` հանրապետություն են այցելել 495 հազար զբոսաշրջիկներ կամ 19 տոկոսով ավելի, քան 2016թ-ին։ Հայաստանը նրանցից ստացել է մեկ միլիարդ 12 միլիոն դոլար, ինչը 15,7 տոկոսով շատ է անցած տարվա ցուցանիշից։
