ԵՐԵՎԱՆ, 7 մայիս — Sputnik. Հայտնի ռոք երաժիշտ Սերժ Թանկյանին ու վարչապետի թեկնածու, ընդդիմության առաջնորդ Նիկոլ Փաշինյանին այդպես էլ չհաջողվեց մեքենայով լքել «Զվարթնոց» օդանավակայանի տարածքը։
Փաշինյանը խնդրեց հետ գնալ ու բացել ճանապարհը, սակայն մարդիկ ցանկանում էին ողջունել նրանց։ Արդյունքում Փաշինյանն ու Թանկյանը դուրս եկան մեքենայից ու ոտքով շարունակեցին ճանապարհը։ Ճանապարհին նրանց հաց ու աղով դիրմավորեցին։ Նաև հրավառություն եղավ:
Մեքենաները նորից ազդանշաններն են տալիս, իսկ հավաքվածները բղավում են՝ «Նիկոլ վարչապետ»։
Այսօր հանրապետության գլխավոր հրապարակում նրանք պետք է դիմեն Հայաստանի քաղաքացիներին։ Ռոք աստղը Հայաստան է այցելել երկրի ներքաղաքական իրադարձությունների պատճառով։
