ԵՐԵՎԱՆ, 5 մայիսի — Sputnik. Ավիակիրների ամերիկյան խումբը Սիրիայում սկսել է հարվածներ հասցնել «Իսլամական պետությանը» (Ռուսաստանում և մի շարք այլ երկրներում արգելված ահաբեկչական խմբավորում)։ Այս մասին նշված է ԱՄՆ-ի ռազմածովային ուժերի կայքում։
ԱՄՆ ՌԾՈՒ խմբավորումը գլխավորում է ավիակիր «Հարի Թրումենը»։ Հարվածները հասցնում են մայիսից 3-ից Միջերկրական ծովի արևելյան մասից։
Կիրառվող միջոցների նպատակն է աջակցել «Անդրդվելի վճռականություն» գործողությանը։ Ավիակրի վրա գտնվող ինքնաթիռներն արդեն հասցրել են մի քանի թռիչք կատարել։
Նավատորմի հրամանատար, փոխծովակալ Ջին Բլեքը նշել է, որ օդից իրականացվող գործողությունները ցուցադրում են հարվածային ավիակրային խմբավորումների հնարավորություններն ու ճկունությունը։
«Հարի Թրումեն» ավիակրից բացի, խմբավորման կազմում են «Նորմանդիա» հածանավը, չորս ավիակիրներ՝ կառավարվող հրթիռային զենքով, ինչպես նաև ուղեկցող նավեր։
Հիշեցնենք, որ ապրիլի 14-ին ԱՄՆ-ն, Մեծ Բրիտանիան և Ֆրանսիան հրթիռային հարվածներ էին հասցրել սիրիական կառավարական օբյեկտներին, որոնք, նրանց կարծիքով, օգտագործվում են քիմիական զենքի արտադրության համար։ Սիրիայի իշխանությունները բազմիցս հայտարարել են, որ քիմիական ամբողջ զինանոցը դուրս է բերվել երկրից Քիմիական զենքն արգելող կազմակերպության վերահսկողության տակ։
«Անդրդվելի վճռականություն» գործողությունը, որին մասնակցում են ԱՄՆ-ն և նրա դաշնակիցները, մեկնարկել է 2014թ-ի օգոստոսի 8-ին։ Գործողության առաջին առաջին տարում մասնակից երկրները օրական ծախսել են մոտ 10 միլիոն դոլար։ Գործողությանը մասնակցել են 11 երկիր։
