ԵՐԵՎԱՆ, 2 մայիսի — Sputnik. ՀՀ ֆինանսների նախարարությունն, արձագանքելով քաղաքացիների շրջանում առաջացած այն մտահոգությանը, որ երկրում առկա ներքաղաքական լարված վիճակի պատճառով հնարավոր է նախորդ ամսվա թոշակներն ու աշխատավարձերը բավականին ուշ վճարվեն, հավաստիացնում է, որ նման մտահոգություններն անհիմն են:
Նախարարության տարածած հայտարարության մեջ նշվում է, որ լինելով պետական ֆինանսների կառավարման պատասխանատու կառույց` նախարարությունը իրավիճակն ամբողջությամբ հսկողության տակ է պահոմ, իսկ հնարավոր ռիսկերը կառավարելի են:
Ուստի թոշակները, աշխատավարձերն ու նմանատիպ բյուջետային այլ ծախսերը բնակչությանը կվճարվեն հաստատված ժամանակացույցին համապատասխան:
