«Սակայն անսպասելի ինչ-որ բան փոխվեց նրանց քայլերում։ Կարծում եմ, որ հանրապետականների մեջ վախ կա, որ նոր իշխանությունը կարող է հետապնդումներ սկսել իրենց նկատմամբ, և այդ վախի բնազդը, իմ կարծիքով, կոնսոլիդացնում է նրանց, և նրանք փորձում են դիմադել»,- ասաց Բոզոյանը։
Մայիսի 8-ին նախատեսված երկրորդ ընտրության զարգացման սցենարի մասին խոսելով` նա ասաց, որ այդ ամենը կախված կլինի մոտակա վեց- յոթ օրվա ընթացքում Հայաստանում ծավալվող գործընթացներից։
Բոզոյանը համոզված է` հանրապետականները ժամանակ են ձգում` փորձելով հասկանալ, թե այս շարժումն ինչ ճանապարհով կզարգանա` կթուլանա, կուժեղան։ Եթե հանրապետականներն իրենց պատկերացումներով հաշվարկեն, որ շարժումը կարող է թուլանալ, կփորձեն գնալ արտահերթ խորհրդարանական ընտրությունների, իսկ եթե տեսնեն, որ շարժումը պարալիզացնում է ողջ երկրիը, նրանց շարքերում տրոհում կառաջանա։
