ԵՐԵՎԱՆ, 30 ապրիլի — Sputnik. Գեղասահքի կրկնակի օլիմպիական չեմպիոն Եվգենի Պլյուշչենկոյի որդին` Ալեքսանդրը, կարծես թե որոշել է գնալ հոր հետքերով։
Instagram-ի իր էջում Եվգենին լուսանկար է հրապարակել, որում նրա հինգ տարեկան որդին` Սաշան, հանգիստ սահում է սառույցի վրա` ելույթ ունենալով Բուդապեշտում ժամանակին մեծ տարածում գտած Axel F-ի Crazy Frog հիթի տակ։
«Սանյան Բուդապեշտում այրում է սառույցը», — տեսահոլովակի տակ գրել է ավագ Պլյուշչենկոն։
Գեղասահորդի բաժանորդները որդու վերաբերյալ գովեստի խոսքեր են գրել և նշել, որ Ալեքսանդրը հորն է նման։
«Ապագա չեմպիոն է», «Կեցցե։ Մեծ հաղթանակներ իրեն», «Սանյան` ապրի։ Աշխատասեր է, հաջողության կհասնի», — տեսանյութի տակ նման մեկնաբանություններ են թողել օգտատերերը։
Ճիշտ է, գրառումների մեջ կան նաև դիտողություններ։ Որոշ թերահավատներ կարծում են, թե տղան պարզապես «հոր հետ աշխատանքի է գնացել, և նրա ելույթում որևէ զարմանալի բան չկա»։
Հետաքրքիր է, որ հարցազրույցներից մեկի ժամանակ Եվգենի Պլյուշչենկոն ասել էր, որ որդու ապագան ֆուտբոլում է տեսնում, սակայն փոքրիկ Ալեքսանդրը հոր նման սառույցի սիրահար է։ Ռուսական ԶԼՄ-ները արդեն հասցրել են նրան «սառույցի արքայազն» անվանել։
