ԵՐԵՎԱՆ, 28 ապրիլի — Sputnik. Թուրքիան ու Ամերիկայի Միացյալ Նահանգները համատեղ քայլեր են ձեռնարկում սիրիական Մանբիջում։ Այս մասին ուրբաթ Բրյուսելում ԱՄՆ նոր պետքարտուղար Մայք Պոմպեոյի հետ հանդիպումից հետո հայտնել է Թուրքիայի արտգործնախարար Մևլութ Չավուշօղլուն։ Այս մասին հայտնում է Reuters-ը։
Չավուշօղլուն հավելել է նաև, որ Մանջիբում պաշտոնական Ֆրանսիայի ներկայություն չի լինելու։
Նախարարը հայտնել է, որ Թուրքիան պատրաստ է դիտարկել Patriot հակահրթիռային համալիրների ու ՀՕՊ այլ համակարգերի գնման առաջարկը դաշնակիցներից։
Հիմա Սիրիայի հյուսիսում գտնվող Մանբիջը քուրդ աշխարհազորայինների հսկողության տակ է։ Նրանց աջակցում է Միացյալ Նահանգները։
Հիշեցնենք, որ Թուրքիայի ԶՈՒ գլխավոր շտաբը հունվարի 20-ին հայտնել էր «Ձիթենու ճյուղ» ռազմական գործողության մեկնարկի մասին։ Այն ուղղված էր սիրիական Աֆրինում քրդերի ձևավորումների դեմ։ Թուրքական զինուժի հետ միաժամանակ գործում էին «Սիրիայի ազատ բանակի» գրոհայինները։
Փետրվարի 19-ին Սիրիայի պաշտոնական ԶԼՄ-ները հայտնել էին Աֆրին կառավարական զորքերը մտցնելու վերաբերյալ քրդերի վարչակազմի հետ ձեռք բերված պայմանավորվածության մասին։
