ԵՐԵՎԱՆ, 27 ապրիլի — Sputnik. Հյուսիսային Կորեայի առաջնորդ Կիմ Չեն Ինը հարևան հանրապետության նախագահ Մուն Չժե Ինին առաջարկել է հատել երկու երկրների միջև առկա սահմանագիծը և անցնել ԿԺԴՀ տարածք, հաղորդում է ՌԻԱ Նովոստին։
Ապրիլի 27-ին Փհանմունջ սահմանամերձ գյուղում` «Խաղաղության տանը», որը գտնվում է Կորեայի տարածքում, կայացել են երկու երկրի առաջնորդների բանակցությունները։
Կորեայի Հանրապետության իշխանությունների ներկայացուցիչն ուրբաթ լրագրողների հետ զրույցում ասել է, որ այն պահին, երբ Կիմ Չեն Ինը ոտք է դրել սահմանի հարավկորեական հատված, նախագահ Մունը հռետորական հարց է տվել, երբ նա կարող է լինել Հյուսիսային Կորեայում։
«Գուցե հենց հիմա», — պատասխանել է Կիմ Չեն Ինը, բռնել նախագահի ձեռքը և հրավիրել նրան միասին հատել ապամիջուկայնացման գիծը։
Այնուհետև երկու երկրների առաջնորդները վերադարձել են սկզբնական տարածք։
Պետությունների ղեկավարների միջև տեղի է ունեցել «անկեղծ երկխոսություն»` Կորեական թերակղզու ապամիջուկայնացման, երկարատև խաղաղություն հաստատելու և Հարավի ու Հյուսիսի միջև հարաբերությունների զարգացման ուղղությունների մասին։
Փհենյանը հրաժարվել է միջուկային զենք կիրառել, եթե նրա համար չլինի միջուկային սպառնալիք։
Հյուսիսային Կորեան նույնպես պարտավորվել է միջուկային տեխնոլոգիաները չփոխանցել մյուս պետություններին։
Կիմ Չեն Ինն առաջարկել է «ավելի հաճախ հանդիպել` խաղաղություն կառուցելու համար» և պատրաստակամություն է հայտնել Սեուլում այցելել Մուն Չժե Ինի նստավայր, եթե հրավեր ստանա։
