Մի շարք պետություններ ընուել են Հայոց ցեղասպանության եղելությունը։ Այն առաջինը ճանաչել է Ուրուգվայը 1965 թվականին, այնուհետև նրա օրինակին են հետևել Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։ ԱՄՆ 50 նահանգներից 45-ը պաշտոնապես ճանաչել և դատապարտել են Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։
Այսօր հայերը նշում են այդ ոճրագործության 103-ամյա տարելիցը։ Տասնյակ հազարավոր հայեր ու արտասահմանցի հյուրեր Ծիծեռնակաբերդի բարձունքում իրենց հարգանքի տուրքը մատուցեցին Մեծ եղեռնի զոհերին` խնկարկելով նրանց հիշատակը, ծաղիկներ ու ծաղկեպսակներ խոնարհելով անմահ կրակի մոտ։
Նրանց մեջ էին նաև ՀՀ քաղաքական այրեր ու պաշտոնյաներ` Վարչապետի ժամանակավոր պաշտոնակատար Կարեն Կարապետյանը, կառավարության անդամներ, Բարձրագույն դատական խորհրդի նախագահ Գագիկ Հարությունյանը, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը։ Նրանց շարքում էր նաև Արցախի հանրապետության նախագահ Բակո Սահակյանը։
