00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
8 ր
Ուղիղ եթեր
09:34
25 ր
Ուղիղ եթեր
10:00
8 ր
Ուղիղ եթեր
10:09
45 ր
Ուղիղ եթեր
11:00
8 ր
Ուղիղ եթեր
13:00
5 ր
Ուղիղ եթեր
14:00
5 ր
Ուղիղ եթեր
17:00
8 ր
Ուղիղ եթեր
18:00
10 ր
5 րոպե Դուլյանի հետ
18:10
7 ր
Ուղիղ եթեր
19:00
9 ր
Ուղիղ եթեր
09:00
6 ր
Ուղիղ եթեր
09:22
4 ր
Ուղիղ եթեր
09:26
32 ր
Ուղիղ եթեր
10:00
7 ր
Ուղիղ եթեր
10:10
49 ր
Ուղիղ եթեր
11:00
5 ր
Ուղիղ եթեր
13:00
6 ր
Ուղիղ եթեր
14:00
6 ր
Ուղիղ եթեր
Լուրեր
17:00
46 ր
Ուղիղ եթեր
Լուրեր
18:00
46 ր
Ուղիղ եթեր
Լուրեր
19:00
46 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Հնարավո՞ր է Փաշինյան–Սարգսյան բանակցությունների 2–րդ փորձ. պատասխանում է Շարմազանովը

© Sputnik / Asatur YesayantsЭдуард Шармазанов
Эдуард Шармазанов - Sputnik Արմենիա
Բաժանորդագրվել
Հայաստանի ԱԺ փոխխոսնակ, իշխող ՀՀԿ–ի մամուլի քարտուղար Էդուարդ Շարմազանովը կարծում է, որ 2017թ–ի խորհրդարանական ընտրություններն օրինական և ժողովրդավարական են եղել, դրանց արդյունքները ճանաչել է ընդդիմությունը, այդ թվում` Նիկոլ Փաշինյանը։ Եվ պետք է որոշի ոչ թե նա, ով ավելի շատ կողմնակիցներ ունի հրապարակում։

ԵՐԵՎԱՆ, 22 ապրիլի — Sputnik. Իշխանությունները Հայաստանում ստեղծված ճգնաժամային իրավիճակից միակ ելքը տեսնում են խորհրդարանում քաղաքական երկխոսությունը ընդդիմության և իշխանության միջև։

Այդ մասին Sputnik Արմենիային տված հարցազրույցում հայտարարեց Հայաստանի խորհրդարանի փոխխոսնակ Էդուարդ Շարմազանովը` պատասխանելով այն հարցին, թե հնարավո՞ր է արդյոք բանակցությունների երկրորդ փորձ վարչապետ Սարգսյանի և «Իմ քայլը» ակցիայի առաջնորդ, պատգամավոր Նիկոլ Փաշինյանի միջև։

Выступление Алена Симоняна перед протестующими, собравшимся перед отделением полиции, где предположительно находится Никол Пашинян (22 апреля 2018). Ереван - Sputnik Արմենիա
Հանրապետության հրապարակում նախանշված հանրահավաքը կկայանա. վստահեցնում են կազմակերպիչները

Հիշեցնենք, որ այսօր Երևանի Արցախի փողոցում ոստիկանները ցրել բողոքի ակցիան։ Դա տեղի է ունեցել Հայաստանի վարչապետ Սերժ Սարգսյանի և ընդդիմության առաջնորդ Նիկոլ Փաշինյանի չհաջողված բանակցություններից կես ժամ անց։ Բախման ընթացքում ձերբակալվել է նաև շարժման առաջնորդը։

Ապրիլի 22–ին Armenia Marriott հյուրանոցում վարչապետի հետ հանդիպմանը Փաշինյանը հայտարարեց, որ այստեղ գտնվում է միայն Սերժ Սարգսյանի հրաժարականը քննարկելու նպատակով, այլ ոչ թե ինչ-որ բանակցություններ վարելու համար։ Սարգսյանը նշեց, որ Փաշինյանը չի բանակցում, այլ վերջնագրի լեզվով է խոսում, որից հետո լքեց հանդիպման վայրը։

«Նորագույն Հայաստանի պատմության մեջ առաջին անգամ վարչապետը ցուցարարների առաջնորդի հետ նստեց բանակցությունների սեղանի շուրջ ուղիղ եթերում», – ասաց Շարմազանովը։

Փոխխոսնակը հիշեցրեց, որ շաբաթ օրը երկխոսության առաջարկով Հանրապետության հրապարակում է եղել նաև նախագահ Արմեն Սարգսյանը, իսկ ինքը` Շարմազանովը, դեռ ապրիլի 18–ին խորհրդարանի ամբիոնից քաղաքական երկխոսության և հանդուրժողականության կոչ է արել։

Встреча Премьер-минитра РА Сержа Саргсяна и лидера оппозиционной фракции Елк Никола Пашиняна - Sputnik Արմենիա
ՀՀ վարչապետ Սերժ Սարգսյանը լքեց հանդիպման վայրը

Նույն կոչերով դիմել են նաև տարբեր իշխանական կառույցներ, քաղաքական կուսակցություններ, հասարակական կազմակերպություններ և գործիչներ։ Ցավոք, Փաշինյանը եկել էր ոչ թե բանակցությունների, այլ վերջնագիր ներկայացնելու համար։

Շարմազանովի կարծիքով` հասարակությունում չպետք է լինեն թշնամիներ և հակառակորդներ, մենք բոլորս նույն հասարակության մի մասն ենք։

«Եթե ինչ-որ մեկին պետք են հզոր ցնցումներ, ապա մեզ պետք է հզոր Հայաստան», – նշեց Շարմազանովը։ Նրա խոսքով` իշխող կուսակցությունը պատրաստ է լսել ցանկացած կառուցողական առաջարկ, այլ ոչ վերջնագիր։

Բանակցությունների երկրորդ փորձի հնարավորության մասին հարցին Շարմազանովը պատասխանեց, որ իշխանությունները միակ ելքը տեսնում են խորհրդարանում ընդդիմության և մեծամասնության միջև քաղաքական երկխոսության միջոցով։

«Փաշինյանն արդեն մեկ անգամ դրսևորել է իր նիհիլիզմը, բայց բանակցությունների վերջնագրով ներկայանալը մաքսիմալիզմ է, սա քաղաքական օրակարգ չէ։ Հայաստանում օրենքով ընտրված իշխանություն կա, որին 2017թ–ին Հայաստանի քաղաքացիներն են ընտրել», – ասաց նա։

Ոստիկանությունը տասնյակ մարդկանց բերման է ենթարկել Հանրապետության հրապարակում - Sputnik Արմենիա
Ոստիկանության զորքեր, ցուցարարներ, բերման ենթարկվածներ. ի՞նչ է կատարվում Երևանում

Բոլոր միջազգային կազմակերպությունները հայտարարել են, որ ընտրությունները եղել են ազատ և ժողովրդավարական։ Բոլոր ընդդիմադիր խմբակցությունները, այդ թվում` այն, որը գլխավորում է Փաշինյանը, ընդունել են այդ ընտրությունների արդյունքները։

«Ըստ նրանց տրամաբանության, Հայաստանում ընտրությունները պետք է անցկացվեն ամեն ամիս, բայց ինչի՞ համար են նման ընտրությունները», – հարց է տալիս Շարմազանովը։ Փոխխոսնակն ասաց, որ չի կարող լինել այնպիսի իրավիճակ, երբ որոշում է նա, ով ավելի շատ կողմնակիցներ ունի հրապարակում։

Շարմազանովի խոսքով` իշխանությունը պատրաստ է քննարկել ստեղծված իրավիճակը միջազգային կառույցներում, իշխանությունը գործում է բացառապես ի շահ պետության։ Բոլոր ժողովրդավարական երկրներում իրավապահ մարմինները նման դեպքերում կիրառում են ավելի կոշտ միջոցներ, քան հայկական ոստիկանությունը, հավելեց նա։

Լրահոս
0