ԵՐԵՎԱՆ, 22 ապրիլի — Sputnik. Գյումրիում առավոտյան ՀՀ վարչապետ Սերժ Սարգսյանի և ԱԺ ընդդիմադիր պատգամավոր Նիկոլ Փաշինյանի ձախողված հանդիպումից հետո բողոքի ցույցի էին դուրս եկել Գյումրու կենտրոնական շուկայի վաճառողները, որոնք որոշ ժամանակով փակել էին Շահումյան փողոցը։ Այնուհետև նրանք շարժվեցին դեպի Վարդանանց հրապարակ, սակայն այնտեղ իմանալով Նիկոլ Փաշինյանի բերման ենթարկելու մասին` երթի դուրս եկան` քայլելով քաղաքի կենտրոնական հատվածներով։
Ճանապարհին նրանց էին միանում մեքենաները` որոշ ժամանակով փակելով փողոցները։
Գյումրիում ևս ոստիկանների և ցուցարարների միջև բախումներ եղան, երբ Վարդանանց հրապարակում ոստիկանները փորձեցին բերման ենթարկել ակտիվիստ Կարեն Պետրոսյանին։
Սակայն ժողովուրդը խոչընդոտեց, և ոստիկանները տեղի տվեցին։
Բախումը հանդարտվելուց հետո երթի մասնակիցները կրկին շարժվեցին Ռիժկովի ճեմափողոցով դեպի Թատերական հրապարակ։
Երթը շարունակվում է` հստակ ուղի չունենալով։
Նշենք նաև, որ առավոտյան մեկ ժամ շարունակ Խնկոյան և Լուսաղբյուր գյուղերի բնակիչները փակել էին Գյումրի- Վանաձոր մայրուղին։ Այս պահին ճանապարհը բաց է։
