ԵՐԵՎԱՆ, 20 ապրիլի — Sputnik. Վարչապետ Սերժ Սարգսյանի առաջարկով ՀՀ նախագահ Արմեն Սարգսյանը հրամանագրեր է ստորագրել կառավարության ևս երեք անդամների վերանշանակման մասին։
Իգնատի Առաքելյանը վերանշանակվել է` գյուղատնտեսության, Դավիթ Հարությունյանը` արդարադատության, Արմեն Ամիրյանը` մշակույթի նախարարների պաշտոններում։
Այս պահի դրությամբ կառավարության կազմում նոր անձինք չկան։ Վերանշանակվել են 9 նախարար, թափուր են մնում 8 նախարարական աթոռ։
Մինչ այդ իրենց նախկին պաշտոններում արդեն վերանշանակվել էին կառավարության 6 անդամներ` պաշտպանության, տարածքային կառավարման և զարգացման, տնտեսական զարգացման և ներդրումների, ֆինանսների, արտաքին գործերի նախարարները և արտակարգ իրավիճակների։
