ԵՐԵՎԱՆ, 20 ապրիլի — Sputnik. Հայաստանի Հանրապետության ազգային անվտանգության ծառայությունը հայտնում է, որ կանխել է կիբեռհարձակում Հայաստանի պետական կառավարման մարմինների համակարգչային ցանցերի նկատմամբ։
«Պետական կառավարման տարբեր մարմինների էլեկտրոնային փոստերին Նիդեռլանդների Թագավորությունում գրանցված IP-հասցեից ադրբեջանական կոնտակտային տվյալներով ուղարկվել են վնասաբեր ծրագրեր պարունակող էլեկտրոնային նամակներ, որոնք հնարավորություն են տալիս համակարգչային ցանցերում պահվող տեղեկատվությունը գաղտնի պատճենահանելու և Ավստրալիայում գրանցված IP-հասցեի սերվերին փոխանցելու»,– ասված է ԱԱԾ հաղորդագրության մեջ։
ՀՀ ԱԱԾ աշխատակիցներին հաջողվել է վնասազերծել ծրագրերն ու կանխել տեղեկատվության արտահոսքը։
